હુતૂ તુતૂ જેવું રમીંએં-“રસિક” મેઘાણી
Mar 19th 2008rasikmeghaniભીની ભીની આંખો
સાથ મળીને સઘળા આજે હુતૂ તુતૂ જેવું રમીંએં
કોઈ નહીંતો આપણે બંને હુતૂ તુતૂ જેવું રમીંએં
રમતા રમતા લપસી પડીએં, લપસી લપસી ઊભા થઈએં
ભણતા ગણતા એમ સમયને હુતૂ તુતૂ જેવું રમીંએં
કળીઓ જેવા કોમળ ચહેરા, ફૂલ ગુલાબી રંગ ભરીને
ઝાંકી દિલના યાદ ઝરૂખે હુતૂ તુતૂ જેવું રમીંએં
સુખના દિવસો જીવી જઈએં, સાથ મળીને આપસમાં
દુઃખના દિવસો મેલી આઘે હુતૂ તુતૂ જેવું રમીંએં
નફરતના સૌ કાંટા બાળી, કાલની વાતો કાલે રાખી
પ્રેમ કરીને આજ બધાને હુતૂ તુતૂ જેવું રમીંએં
કોયલ જેવી મીઠી મીઠી, કાલી ઘેલી વાણીમાં
ભૂલકાઓથી ભાવ લઈને હુતૂ તુતૂ જેવું રમીંએં
જીવન ઝરણું વહેતી ગંગા, પામી એમાં તૃપ્તિ ‘રસિક’
નાના મોટાં સઘળા મળીને હુતૂ તુતૂ જેવું રમીંએં
No Comments »