લાંબો રસ્તો-“રસિક” મેઘાણી
Mar 19th 2008rasikmeghaniભીની ભીની આંખો
જીવનભરનો લાંબો રસ્તો
મારા ઘરનો કાચો રસ્તો
તારા ઘરને વરસો થયા પણ
યાદ હજી છે ઝાંખો રસ્તો
ચાલી ચાલી થાકી ગયો છું
તોય છે બાકી લાંબો રસ્તો
એકજ મંઝિલ તોય હમેંશા
તારો મારો નોખો રસ્તો
જોઈ તમાશો નોખા થયા સૌ
લીધો આપણો આપણો રસ્તો
તારા ઘરને ભૂલી કદી પણ
દીઠો ના મેં બીજો રસ્તો
ભીડ ભરેલી દુનિયા કિંતુ
તારા વિના છે સૂનો રસ્તો
ધોમ બપોરે શૂન્ય દિશામાં
હું છું ‘રસિક’ ને મારો રસ્તો
No Comments »