માલ કબીરા-’રસિક’ મેઘાણી
May 21st 2008rasikmeghaniનવી ગઝલો
પાડોશીનો માલ કબીરા
મુખથી ટપકે રાલ* કબીરા
સાળ**વિફળતા ધાગો ફટકે,
વીવિંગ માસ્ટર ઝાલ કબીરા
નોખા મળીને ભેગા જમવું
પીઝા સાથે દાલ કબીરા
શ્વેત મળે કે શ્યામ સરીખા
નોખા નોખા બાલ કબીરા
કરશે રાતો ચોળ મળીને
બીજો ધરના ગાલ કબીરા
દર્પણ જેમજ ચમકી રે’શે
તેલ સભર છે ટાલ કબીરા
લાગ મળેતો ડાહ્યા ડમરા
ખેંચી લેશે ખાલ કબીરા
મળશે મફતનો માલ ‘રસિક’ને
બદલી જાશે હાલ કબીરા
-’રસિક’ મેઘાણી
*રાલ= લાળ **સાળ= કપડા વણવાની લૂમ
No Comments »