અમર હમણાં જ સૂતો છે-’અમર’ પાલનપુરી

પવન ફરકે તો એ રીતે ફરકજે પાન ના ખખડે !
કોઈને સ્વપ્નમાં માંગી અમર હમણાં જ સૂતો છે.

દવા તો શું હવે સંજીવની પણ કામ નહીં આપે,
જીવનના ભેદને પામી અમર હમણાં જ સૂતો છે.

ગગનના આંસુઓ માયા નહીં ધરતીના પાલવમાં
પ્રભાતે જ્યાં ખબર આવી, અમર હંમણા જ સૂતો છે

અમર જીવન છે એવું કે જીવન ઓવારણા લે છે
મરણના માનને રાખી અમર હમણાજ સૂતો છે

ગયો એ હાથથી છટકી, હવે શું બાંધશે દુનિયા-
બધાંયે બંધનો ત્યાગી, અમર હમણાં જ સૂતો છે.

ન જાગે એ રીતે ઊંચકીને એને લઈ જજે, દુનિયા !
સમયની કૂચમાં થાકી, અમર હમણાં જ સૂતો છે.

-’અમર’ પાલનપુરી
“લયસ્તરો”ના અને પ્રો. સુમન અજમેરીના “ગઝલઃ સંરચના અને છંદ વિધાન” ના સૉજન્યથી
http://layastaro.com/

1 Comment »

One Response to “અમર હમણાં જ સૂતો છે-’અમર’ પાલનપુરી”

  1. indravadan g vyas on 17 May 2008 at 10:43 am #

    it is a masterpiece rachana.ketali mavajat kari chhe shabdoni. bhai bhai.hun aakhkhi kavita na ovarana lau chhun.

Trackback URI | Comments RSS

Leave a Reply

Type in
Details available only for Indian languages
Settings Settings reset
Help
Indian language typing help
View Detailed Help