લખો-‘રસિક’ મેઘાણી
Mar 9th 2008rasikmeghaniશુષ્ક લાંબા મારગે
એ હસીને લખો કે રડીને લખો
નોખ નોખા જખમ સૌ કરીને લખો
ધીમે ધીમે લખો સાચવીને લખો
ટૂંકમાં સારા અક્ષર કરીને લખો
કોઈના દિલની વાતોને વાંચો અગર
આપણા પર નજર પણ કરીને લખો
રોજ કાગળ તમે ના લખો તે છતાં
દિલની વાતો મહીને મહીને લખો
બાદશાહીની જાહોજલાલી બધી
ચાર દીવાલ વચ્ચે ચણીને લખો
મારૂં સળગે છે કાં રોમ જેવુ નગર
દૂર વાગી રહી વાંસળીને લખો
જિંદગીની હકીકત પિછાંણી ‘રસિક’
ઝેરના ઘૂંટડા કડવા પી ને લખો
No Comments »