“રસિક” મેઘાણીની ગઝલો

મારા વજૂદ પર ન જા, છો આજ પસ્ત છું
ભેદીને કાળ ચક્ર જો, એમાં સમસ્ત છું

તૂટી ગયેલ કાચમાં ચહેરાને જોઉં કેમ
વિખરી ગયેલ કટકા મહીં અસ્તવ્યસ્ત છું

બાજી ન કોઈ જીતી શકયું મુજથી એટલે
મારા જ હાથથી હવે મારી શિકસ્ત છું

ખાલીપણાનો સંગ હમેંશા છે એટલે
મારા કદમના ધાકથી ખુદ હું જ ત્રસ્ત છું

તારી વિશાળતાને ભલા કયાં અનુભવું
હું તો અનાદીકાળથી મારામાં મસ્ત છું

ભીતરમાં ચૂર ચૂર છું, હું તે છતાં ‘રસિક’
દેખાવમાં બધાયને લાગ્યો દુરસ્ત છું

No Comments »