મજાનો શોખ હતો-“રસિક” મેઘાણી
Mar 12th 2008rasikmeghaniશુષ્ક લાંબા મારગે
વિરહની રાતમાં એ પણ મજાનો શોખ હતો
તમારી વાટમાં થાકી જવાનો શોખ હતો
રડી રડી અમે જીવન ગુજારી દીધું પણ
હસી હસી બધું જીવી જવાનો શોખ હતો
ગુજારી કપરી સફર ટેકરાંને ખાડે એમ
અમોને મંઝિલે જાણે જવાનો શોખ હતો
અમોને રાત દિવસ ઘાવ સઘળાં યાદ હતાં
તમોને જોઈ છતાં ભૂલવાનો શોખ હતો
અમોને ખોયો છે જ્યાં, ત્યાં કદાચ ગોતી શકાય
ફરીથી એવા એ રસ્તે જવાનો શોખ હતો
સળગતી ધૂપમાં ચાલત કદી ન હું કિન્તુ
તમારી સાથ મને ચાલવાનો શોખ હતો
નસીબે ડુંગરો દુઃખના લખ્યા ‘રસિક’ નહિંતર
સુખેથી અમને જીવન જીવવાનો શોખ હતો
No Comments »