“રસિક” મેઘાણીની ગઝલો

ગેરૂ છોને હો અગન પણ્, મન અગર કંચન રહે
તો પ્રણયના માર્ગમાં તું ના કદી નિર્ધન રહે

લાખ બંધન તોડીને ચાલીં સફરમાં એકલા
વાટમાં તારૂં અને મારૂં સદા બંધન રહે

બંધ લોચન મેં કરી જોયું હૃદયમાં વાસ છે
દૂર આંખેથી નરી તું લાખ છો જોજન રહે

ખાર હો કે પાનખર એને નડે ના કોઈ દિ’
માળી તારા બાગમાં જો રકતનું સીંચન રહે

ગર્મી, ઠંડી, કો’દિ વર્ષા, કો’દિ તડકો-છાંયડો
શુષ્ક લાંબા મારગે એથી ‘રસિક’ જીવન રહે

No Comments »

મન અગર કંચન રહે-”રસિક” મેઘાણી