અને આપણે હતા
Mar 4th 2008rasikmeghaniશુષ્ક લાંબા મારગે
પુષ્પોની સાથે ખાર અને આપણે હતા
જીવનનો એ પ્રકાર અને આપણે હતા
કાળી ઘટા વધારે નિશા અંધકારને
ધુમ્મસ ભરી સવાર અને આપણે હતા
તો પણ હળી મળીને વિતાવ્યા દિ’ પ્રેમથી
સૌના અલગ વિચાર અને આપણે હતા
જોતા’તા ખ્વાબ રાતદિ’ તારાને તોડવા
જોબન યુવા ખુમાર અને આપણે હતા
આવેગપૂર્ણ મન હતું, દિલનો સાથ પણ
પાલવમાં અશ્રુધાર અને આપણે હતા
ચહેરા ઉપર ઉભરતા ગયા ચિન્હ એક-એક
એ કાળના પ્રહાર અને આપણે હતા
ચહેરો છુપાવી રોયા હતા જેમાં રાતદિ’
દામન એ તાર તાર અને આપણે હતા
ખરડાઈ લોહીથી ગયા પગ એટલે ‘રસિક’
જીવનની સંગધાર અને આપણે હતા
No Comments »