રસ્તા-“રસિક” મેઘાણી
Mar 2nd 2008rasikmeghaniશુષ્ક લાંબા મારગે
કંટકોથી ભર્યા બધા રસ્તા
જાણે જંગલ બની ગયા રસ્તા
જૂના રસ્તા ઉપર પ્રથમ ચાલો
શોધવા હોય જો નવા રસ્તા
મોતે આપી ન કાંઈ પણ મહેતલ
જીવવાના ઘણા હતા રસ્તા
એક જીવન ખપાવી દીધું મેં
સાચા ખોટા વિચારવા રસ્તા
એક મંઝિલ છે બેઉની સહચર
તે છતાં કેમ છે જૂદા રસ્તા
જિંદગી એમ પણ વિતાવી મેં
આપણું ઘર ને આપણા રસ્તા
તોય નિષ્ફળ થઈ જવાનો હું
જો મને મળશે એકલા રસ્તા
એટલે તો ‘રસિક’ થયા નિષ્ફળ
ઉંબરેથી ફરી ગયા રસ્તા
No Comments »