કદી આપણે હતાં-‘રસિક’ મેઘાણી
Feb 23rd 2008rasikmeghaniશુષ્ક લાંબા મારગે
રંગત અને સુવાસ કદી આપણે હતાં
પુષ્પોની આસપાસ કદી આપણે હતાં
આજે ભલેને ફેરવે રસ્તા પરીઘ સમ
લોકોના કિંતુ વ્યાસ કદી આપણે હતાં
લોકોની સામે હસતા સદા ગાળી જિંદગી
મનમાં ભલે ઉદાસ કદી આપણે હતાં
લોકો જુએ છે આહ ભરી વાટ જેમની
બેચાર એવા શ્વાસ કદી આપણે હતાં
મંઝિલ અચૂક પામવું કિસ્મતમાં હોય જે
એ સંઘમાં સમાસ કદી આપણે હતાં
જે આશમાં ઉષાની બળે રાતભર‘રસિક’
એ દીપના ઉજાસ કદી આપણે હતાં
No Comments »