એવું કશું કશું-‘રસિક’ મેઘાણી
Feb 22nd 2008rasikmeghaniશુષ્ક લાંબા મારગે
તુજ પ્રેમનો તરંગ ને એવું કશું કશું
ઉપવન સુમન સુગંધને એવું કશું કશું
પગરવના તારી વાટમાં હરએક મુજ વિપળ
યુગ યુગ સુધી પ્રલંબ ને એવું કશું કશું
તારા વિના આ જિંદગી આકાશે ઉડ્ડયન
જાણે કટી પતંગ ને એવું કશું કશું
સૂરજથી પ્રેમ એટલે ઝાકળની જિંદગી
એકાદ પળનો સંગ ને એવું કશું કશું
તારો ગમન જે માર્ગે થયો એ હજીય છે
ખુશ્બૂથીતર નિશંક ને એવું કશું કશું
જે કાલ આપણી હતી એ હજીય છે
એકજ એ રંગઢંગ ને એવું કશું કશું
ચાલો મળી સ્મરીંએં ‘રસિક’ યાદ આપણી
સુખ દુખ તણા પ્રસંગ ને એવું કશું કશું
No Comments »