પ્રકાશું તો ચાલું -‘રસિક’ મેઘણી
Feb 16th 2008rasikmeghaniશુષ્ક લાંબા મારગે
બનીને આભનો તારો પ્રકાશું તો ચાલું
તિમિરની રાતમાં આશા જગાડું તો ચાલું
શરીર મારૂં જે શૂળી ઉપર મેં લટકાવ્યું
હવે હું લાશને ત્યાંથી ઉતારૂં તો ચાલું
તમામ જિંદગી કાંટાના છાંયડે વીતી
હવે હું પુષ્પથી જો ઘર સજાવું તો ચાલું
આ મારા શોખની કેવી અજબ તમન્ના છે
જખમ હું પ્રેમનો તાજો વસાવું તો ચાલું
કદાચ મારી મુહબ્બતની એજ સીમા છે
ગલી ગલીમાં હું પથ્થર જો ખાઉં તો ચાલું
‘રસિક’ રહી રહી એકજ વિચાર આવે છે
હું મારા ઘરમાં જો મારો ગણાઉં તો ચાલું
No Comments »