તો આમ લખવું
Feb 15th 2008rasikmeghaniશુષ્ક લાંબા મારગે
વિખૂટા થઈ જો સફરમાં જાવું, વિરહના દિવસો તો આમ લખવું
કદમ કદમની બધીજ વાતો, જરા જરા પણ તમામ લખવું
જવાબ મેળવવો હો તમોને, તો પત્રના આરંભે આમ લખવું
મકામ સરનામું ખુદનું લખવું, ને ગામનું પુરૂં નામ લખવું
પ્રથમ તમોને જે લખ્યો કાગળ, હજી સુધી યાદ આવે અમને
લખી લખી છેક ભૂંસ કરવી, સહી કરી છેલ્લે નામ લખવું
બધી એ વાતો, બધી એ રાતો, બધી મુલાકાત યાદ આવે
સુમન સમર્પી કલામ કરવું, ને અશ્રુ સારી સલામ લખવું
લખી શકો, લખવું સ્વચ્છ અક્ષર, સળંગ લીંટીને શબ્દ નોખા
ન ઝીણું લખવું, ન જાડું લખવું,ન તેમ લખવું, ન આમ લખવું
નસીબે એવી પરીક્ષા કીધી, રડી રડીને ગુજાર્યુ જીવન
હસી મળી તો કદીક એવી, હસીને જાણે ઈનામ લખવું
‘રસિક’ અમે છીંએ ચાલનારા, સતત ભ્રમણ છે અમારૂં જીવન
જો થાકી બેસી જવું પડે તો, પ્રશાંત એને વિરામ લખવું
No Comments »