ઉડાવી લઈ જાશું
Feb 11th 2008rasikmeghaniશુષ્ક લાંબા મારગે
હવાના સંગમાં ખુશ્બૂ ઉડાવી લઈ જાશું
તમારા પ્રેમના પુષ્પો સજાવી લઈ જાશું
કદી હસી, કદી અશ્રુ વહાવી લઈ જાશું
તમારા પંથમાં ખુદને ખપાવી લઈ જાશું
તમારા પ્રેમમાં પાગલ બનાવી દેશો તો
અમારા જખ્મના પથ્થર સજાવી લઈ જાશું
બપોરે તડકો મળે ધોમ ધગતા રસ્તે જો
વિરાટ હામના વાદળ ઉઠાવી લઈ જાશું
તિમિરમય રાતે એ ઠરશે કદી ન આંધીમાં
અમારા રકતની જ્વાળા જલાવી લઈ જાશું
તમારો સાથ મળી જાય આખા રસ્તે જો
તો બંને સાથ ક્ષિતિજને ઉઠાવી લઈ જાશું
નસીબે ડુંગરો દુથખના અગર મળી જાશે
‘રસિક’ તો ધૈર્યના શસ્ત્રો સજાવી લઈ જાશું
No Comments »