વાદળ થાશે
Feb 9th 2008rasikmeghaniશુષ્ક લાંબા મારગે
ઉકળી વ્યથાઓ વાદળ થાશે
આંખથી ટપકી ઝાકળ થાશે
કોઈ જો રસ્તે થાકી જાશે
કોઈ તો વાટમાં વિહવળ થાશે
મારા દિલને બાળી બાળી
તારી આંખનું કાજળ થાશે
ચૈતરના પણ દિવસો મારા
તારા સંગમાં શીતળ થાશે
આજ વિપળમાં યુગનું જીવન
કાલ ગણો તો બે પળ થાશે
ઝેર સભર છે જીવન પ્યાલો
અમૃતરસ પણ નિષ્ફળ થાશે
પુષ્પ છે એ તો પુષ્પ જ રે’શે
કાંટા કદી ના કોમળ થાશે
થાય ‘રસિક’ જો પ્રેમ પૂજારી
મારૂં દિલ પણ દેવળ થાશે
No Comments »