હું ય જાણું છું-ડૉ.મહેશ રાવલ
Mar 24th 2008rasikmeghaniમારી પસન્દ-ગઝલો
નજીવા ફેરફારો, હું ય જાણું છું
તફાવત એકધારો, હું ય જાણું છું
નદીની જેમ ઘરથી નીકળ્યા છો, પણ
મનસ્વી છે વિચારો, હું ય જાણું છું !
ત્વચાની જેમ વળગી છે સમસ્યાઓ
હૃદયમાં છે તિખારો, હું ય જાણું છું!
બધાને ક્યાં કહું છું કે, દુવા કરજો
પરિચયનાં પ્રકારો, હું ય જાણું છું !
ઘરોબો થઈ ગયો છે, આંસુઓ સાથે
નથી સારો પનારો, હું ય જાણું છું !
કરી છે ખાતરી મેં ખૂબ ઉંડૅ જઈ
સમંદર હોય ખારો, હું ય જાણું છું !
ભલે છણકો કરીને’ગ્યા, પરત ફરશો
પ્રણયનો મૂળધારો, હું ય જાણું છું !
ડૉ.મહેશ રાવલ
drmaheshrawal@yahoo
http://navesar.blogspot.com/
No Comments »