બેઠા હતા
Mar 17th 2008rasikmeghaniભીની ભીની આંખો
કદાચ લોક તમાશો કરીને બેઠા હતા
નગરના ચોકે જો ટોળે વળીને બેઠા હતા
હૃદયની વેદના ભૂલી જઈને બેઠા હતા
તમારી વાટમાં હસતા રહીને બેઠા હતા
બચાવે કોણ એ નિર્દોંષ માનવીને હવે
જો સારા માનવી પોતે ડરીને બેઠા હતા
તમારી વાટમાં ડૂબી ગયો’તો સૂરજ પણ
તમારી વાટમાં તારા ગણીને બેઠા હતા
તમારા ફોનની ઘંટી જરાય વાગી નહીં
યુગોની વેળા અમે પળ ગણીને બેઠા હતા
તમારી ચાહના સ્વાગત કરી રહી’તી ‘રસિક’
તમામ હાથમાં બૂકે લઈને બેઠા હતા
No Comments »