સંભવ લાગે
Mar 14th 2008rasikmeghaniનવી ગઝલો
કોના ભયનો સંભવ લાગે
આખું નગર કાં નીરવ લાગે
જોઉં હૃદયના દર્પણમાં હું
મારા સમ સૌ માનવ લાગે
આખી રાતના અશ્રુ લૂંછી
તારું ભીનું પાલવ લાગે
એકલા એકલા સૂની રાતે
દિલની ધડકન પગરવ લાગે
મારું શોણિત એનો પાયો
આજ તને જે વૈંભવ લાગે
ઊંચી ઈમારત મૃત્યુ તાંડવ
આજનો માનવ દાનવ લાગે
પુષ્પ પ્રસારે સૌરભ કેવળ
કાદવ હો તો કાદવ લાગે
કાલી ઘેલી કોયલ ડાળે
સુંદર સુંદર કલરવ લાગે
પ્રેમ ભરેલી દુનિયા આખી
એતો ‘રસિક’નું શૈષવ લાગે
No Comments »