સફરમાં છું-‘રસિક’ મેઘાણી
Mar 13th 2008rasikmeghaniશુષ્ક લાંબા મારગે
કેમ લાગે છે કે સફરમાં છું
હું તો મારાજ ખુદના ઘરમાં છું
પાંદડે પાંદડે ઉદાસી છે
મારા મનથી હું પાનખરમાં છું
રાત જેવા તમામ દિવસો છે
કોણ જાણે હું કયા પ્રહરમાં છું
મારા હાથે હું તોડી રાજ મહેલ
સાવ ખંડેર જેવા ઘરમાં છું
ખાર જેવા બધાજ પુષ્પો છે
ભર વસંતે હું પાનખરમાં છું
માર્ગ મંઝિલ કે ના વિસામો છે
એક એવા ‘રસિક’ સફરમાં છું
No Comments »