કયાં તું ચાલ્યો ગયો-“રસિક” મેઘાણી
Mar 13th 2008rasikmeghaniશુષ્ક લાંબા મારગે
જિંદગીના જખમ ઉઠાવી અને, કયાં તું ચાલ્યો ગયો
એક દિલમાં બધાયે સજાવી હવે, કયાં તું ચાલ્યો ગયો
આગ નફરતની લોકોએ બાળી હતી, રાત કાળી હતી
પ્રેમ જયોતિથી દિલને પ્રજાળી બધે, કયાં તું ચાલ્યો ગયો
ધોમ તડકો હતો, જયાં ત્યાં ખાડા હતાં, પગ ઉઘાડા હતાં
પાસ આવી ગયો જો વિસામો હવે, કયાં તું ચાલ્યો ગયો
રાત અંધારી તોફાની લાંબી હતી, દૂર મંઝિલ હતી
એકલો છોડી રસ્તામાં ત્યારે હવે, કયાં તું ચાલ્યો ગયો
બૂંદ માટે હું સાકી તરસ્તો રહ્યો, વાટ જોતો રહ્યો
ખાલી પ્યાલી ‘રસિક’ પાછી આપી અને, કયાં તું ચાલ્યો ગયો
No Comments »