રાખેલ નીકળે

તાજા કદી કિતાબમાં રાખેલ નીકળે
એ પુષ્પ પાંદડા હવે સૂકેલ નીકળે*

વર્ષોથી જેને સાચવી રાખ્યા છે જીવ જેમ
એ જીર્ણ કાગળો હવે ફાટેલ નીકળે

થાક્યા વગર હું જેને સદા સોચતો રહું
એવી કિતાબ ના હજી વાંચેલ નીકળે

કાગળ તને લખી કદી ભૂલી ગયો હતો
પરબીડિયામાં એ હવે બીડેલ નીકળે

વર્ષોની બાદ જોવા હું બેઠો છું ડાયરી
તારાથી પ્યાર છે મને ટાંકેલ નીકળે

ઉત્સાહથી જે ચાલ્યા ક્ષિતિજ આંબવા ‘રસિક’
રસ્તામાં શાને એ બધા થાકેલ નીકળે

*ફૈઝ એહમદ ફૈઝના એક શે‘રથી પ્રેરાઈને

No Comments »

Trackback URI | Comments RSS

Leave a Reply

Type in
Details available only for Indian languages
Settings Settings reset
Help
Indian language typing help
View Detailed Help