ઘણાં હતા
Jan 29th 2008rasikmeghaniશુષ્ક લાંબા મારગે
એકાંતમાં અમે ભર્યા ડુસ્કા ઘણાં હતા
પડઘા તમારી યાદના પડયા ઘણાં હતા
લાબા સમયની દોડમાં ભીંજાઈ દ્યૂળથી
ચહેરા કદાચ એટલે ઝાંખા ઘણાં હતા
દુઃખની ઘટામાં આયખું વીતી ગયું છતાં
સુખચેન સાથે જીવવા ઝંખ્યા ઘણાં હતા
અસ્તિત્વ આખું આગમાં હોમીને એ પછી
વાદળ ઉઠાવી આભ વરસ્યા ઘણાં હતા
ભવ સાગરે જે ડૂબી ગયા એમના નસીબ્
નહિંતર એ બૂંદ બૂંદ તરસ્યા ઘણાં હતા
ઠોકર ન ખાધી ચાલતા કયારેય પણ કહીં
આરસપહાણ પંથે લપસ્યા ઘણાં હતા
થાકીને સાંજ ટાણે ‘રસિક’ બેસવું પડયું
નહિતર વિરાટ રણ મહીં રસ્તા ઘણાં હતા
No Comments »